Në vend që ta filtrojë, një maskë elektrike mund të vrasë grimcat e koronavirusit duke kaluar ajrin që thithim në një sitë bakri me nxehtësi 90 °C. Kjo maskë është projektuar nga Instituti i Teknologjisë Masaçusetsit (MIT) në SHBA.

Nëse komercializohet, pajisja me bateri mund të jetë më e shtrenjtë se një maskë pëlhure, maskë kirurgjikale ose një aparat respirator N95, thanë studiuesit.

Sidoqoftë, kjo lloj maske do të ishte ideale për situata ku rreziku i ekspozimit viral ishte i lartë - të tilla si në një mjedis të kujdesit shëndetësor, ose në transportin publik të mbushur me njerëz.

Për më tepër, nuk do të ketë nevojë të asgjësohet ose të sterilizohet pasi të përdoret.

Kërkuesit shkencorë kanë bërë kërkesën për marrjen e patentës për këtë maskë dhe kanë nisur krijimin e prototipëve mbi të cilët do të kryejnë testimet e duhura.

“Është një maskë krejtësisht e re, që nuk ka për qëllim që të bllokojë virusin, por ta lërë që të hyjë dhe pastaj ta vrasë”, shprehet inxhinieri kimik Michael Strano./Motilokal.com