Nëse po planifikoni të mbani makinën tuaj të ardhshme për disa vjet, duhet të jeni duke konsideruar një automjet elektrik për të kursyer para, kjo është sipas një studimi të ri.

Analiza e çmimeve të blerjes dhe kostove të funksionimit zbuloi se automjetet elektrike familjare tani janë më konkurruese me kosto me makinat me benzinë dhe naftë - dhe sa më gjatë të mbani një model me bateri aq më mirë do të jetë për financat tuaja.

Nga mesatarja e nxjerrë nga këto të dhëna, është zbuluar se një automjet i zakonshëm elektrik me madhësi të mesme, kushton rreth 918 euro në muaj për t’u zotëruar, ndërsa një model ekuivalent me benzinë apo naftë ka kosto prej 1,063 euro në muaj. Del në pah një ndryshim prej të paktën 145 euro në muaj.

Pretendimi se makinat elektrike tani janë më të lira për t'u zotëruar për një periudhë të zgjatur është bërë nga LeasePlan në Indeksin e tij të fundit vjetor të Kostos së Makinës .

Studimi është realizuar në 18 shtete të Evropës dhe janë marrë për bazë kosto e karburantit, amortizimit, taksat, sigurimi dhe mirëmbajtja.

Shefi ekzekutiv i LeasePlan, Tex Gunning tha se mbështetja për makinat elektrike, është investimi më i mirë që qeveritë mund të bëjnë: “Makinat elektrike janë më të mira për shoferët, për ajrin dhe një nga mënyrat më efektive për të luftuar ndryshimin e klimës.”

Modelet e mesme përfshijnë Tesla Model 3, i cili është bërë makina elektrike më e shitur në Britani këtë vit, krahasuar me ato të BMW-së Seria 3 dhe Audi A4 me motorë me djegie të brendshme.

Raporti pretendoi se makinat më të vogla me bateri si Nissan Leaf mbetën më të shtrenjta se ato me karburant fosil për shkak të çmimit të tyre shumë më të lartë të blerjes.

Sidoqoftë, hendeku në kostot e pronësisë për këtë kategori makinash zvogëlohet pas katër vjet pronësie, me EV-të dhe bëhen më të volitshme se benzina dhe nafta.

Makinat elektrike aktualisht mbajnë vlerën e tyre shumë më mirë sesa modelet me motorë me djegie të brendshme, gjë që gjithashtu ka një ndikim në kostot e pronësisë afatgjata.

Qeveria e Britanisë, është nga të parat që ka konfirmuar vitin e kaluar, se do të bëjë një investim në total prej 400 milionë paund, për të ndihmuar në forcimin e rrjetit publik të karikimit për makinat elektrike. Këtë javë, kjo qeveri ka bërë të ditura planet për pikat e ngarkimit publik, me detaje për çmimet dhe planet për instalimin e të paktën 3,000 karikuesve të shpejtë në vend, brenda pesë viteve të ardhshme./Motilokal.com