Dielli po flakëron më shumë se 144.84 milionë kilometra larg Tokës, por imazhet e reja ofrojnë një pamje nga afër të strukturave të ndërlikuara, të vogla deri në 48.28 kilometra në sipërfaqen e tij të zjarrtë.

Duke përdorur teleskopin më të madh në Evropë, të njohur si GREGOR, shkencëtarët kapën detaje mahnitëse të evolucionit të pikave të Diellit dhe dizajnit kompleks të plazmës diellore.

Këto janë imazhet me rezolucionin më të lartë që një teleskop evropian ka vërejtur, të cilat ekipi i atribuon pajisjeve tajisjeve të reja të cilat mund t’i regjistrojnë fushat magnetike, konvekcionin, shpërthimet diellore dhe pikat e diellit të yllit masiv - ndryshe si kurrë më parë.

Fotografitë tregojnë fusha magnetike diellore të marra në një gjatësi vale 516 nanometra dhe njolla dielli në 430 nanometra, për të cilat astronomët thonë se është 'sikur dikush të shihte një gjilpërë në një fushë futbolli krejtësisht të mprehtë nga një distancë prej një kilometri'.

Dielli është i mbuluar nga disa struktura me formë si të qelizave, por secila prej tyre ka sipërfaqe të krahasueshme me sipërfaqen e Teksasit, që është prej shteteve më të mëdha të Shteteve të Bashkuara./Motilokal.com