Një stuhi e fuqishme me shi, erëra dhe breshër ka goditur disa qytete në Itali, duke shkaktuar dëme të mëdha në Verona, Vicenze dhe Padova.
Sipas njoftimeve nga stuhia e fuqishme janë shkatërruar qindra pemë e makina, ndërsa rrugët janë përmbytur nga uji.
Rajoni i Veronës është zona më e prekur për shkak të rënies së pemëve, përmbytjeve të rrugëve dhe janë dëmtuar vreshtaritë ndërsa kryetarët në bashkitë e këtyre rajoneve kanë shpallur gjendjen e krizës. Sot do të bëhet edhe një përllogaritje e dëmit të shkaktuar.
Ndërsa në Stelvio në nivelin mbi 2200 metra ka rënë dëbora deri në 20 centimetra./Motilokal.com
