Të paktën gjashtë persona kanë humbur jetën si pasojë e zjarreve që kanë pushtuar Kaliforninë dhe pjesën më të madhe perëndimore në Shtetet e Bashkuara të Amerikës.

Autoritetet bëjnë me dije se më shumë se 12 mijë zjarrfikës janë angazhuar për të shuar zjarret.

“Këto zjarre po tendosin resurset tona, personelin tonë”- tha guvernatori i Kalifornisë, Gavin Newsom. Gjithashtu ai bëri me dije se janë rreth 560 vatra zjarri disa nga të cilat janë më masivet të regjistruara në Kaliforni.

Pamjet e tmerrshme treguan skenat të një makine duke lëvizur nëpër flakët në Hennessey të Qarkut Napa, ndërsa tymi i madh ka mbuluar qiellin dhe pemët e djegura janë në rrezik të rrezohen.     

Më shumë se 771,000 hektarë janë shkatërruar nga zjarret e mëdha.

Më shumë se 12 mijë zjarrfikës po luftojnë me 560 zjarre, përfshi disa dhjetëra zjarre të mëdha të rëna nga fundjava e kaluar. Shumica e vatrave të zjarrit ndodhen në pjesën veriore të Kalifornisë.

Guvernatori lëshoi një thirrje të SOS drejtuesve të tjerë dhe kombeve si nga Australia dhe Kanadaja, për të ndihmuar në shpëtimin e Shtetit të Artë.

Kjo vjen pasi 14 shtete të tjera të SHBA-së tani po luftojnë me zjarr në tokën e tyre dhe si ndotje të tymit nga Kalifornisë e deri në Nebraska. 

Nuk është vetëm katastrofa nga zjarret që po vuan Kalifornia, edhe nga pandemia e koronavirusit. Me më shumë se 650 mijë raste, Kalifornia ka numrin më të lartë të infektimeve në SHBA. Autoritetet kanë shprehur shqetësimin se zjarret masive mund ta ç’bëjnë punën e bërë deri tani me pandeminë e COVID-19./Motilokal.com