Shkollat po rihapen, parqet e argëtimit po mirëpresin vizitorët dhe ngrënia në natyrë është mënyra e re dhe zgjedhja e vetme. Por, përkundër shenjave që jeta po kthehet në normale, pandemia e koronavirusit nuk ka ikur askund.

Kjo është arsyeja pse një grup studiuesish në Universitetin Duka krijuan një teknikë të thjeshtë për të analizuar efektivitetin e llojeve të ndryshme të maskave të cilat janë bërë një komponent kritik në ndalimin e përhapjes së virusit.

Kërkimi filloi kur një profesor në Shkollën e Mjekësisë të Dukës po ndihmonte një grup lokal të blejë maska me shumicë për t'u shpërndarë anëtarëve të komunitetit në nevojë. Profesori donte të sigurohej që grupi blente maska që ishin në të vërtetë efektive.

Në studimin e publikuar, studiuesit me departamentin e fizikës të Dukës demonstruan përdorimin e një metode të thjeshtë që përdor një rreze laser dhe celular për të vlerësuar efikasitetin e maskave duke studiuar transmetimin e pikave të frymëmarrjes gjatë të folurit.

"Ne përdorim një kuti të zezë, një laser dhe një aparat fotografik", tha Martin Fischer, një nga autorët e studimit, për CNN. "Rrezja laser zgjerohet vertikalisht për të formuar një fletë të hollë drite, të cilën ne i ndriçojmë përmes prerjeve në të majtë dhe të djathtë të kutisë."

Në pjesën e përparme të kutisë është një vrimë ku një folës mund të flasë në të. Një kamerë e telefonit celular është vendosur në pjesën e prapme të kutisë për të regjistruar dritën që shpërndahet në të gjitha drejtimet nga pikat e frymëmarrjes që presin nëpër rrezen laser kur flasin.

Ekspertët e shëndetit publik kanë shpenzuar muaj të tërë duke theksuar se maskat janë një nga mjetet më efektive për të ndihmuar në luftimin e pandemisë, dhe shumë shtete amerikane tani kanë prezantuar një lloj kërkese për maskë.

Por kur testuan efektivitetin e tyre, studiuesit zbuluan se disa maska janë të kota.

Studiuesit testuan 14 maska të disponueshme duke përfshirë dhe maskën N95, zakonisht të rezervuar për punonjësit e kujdesit shëndetësor.

Maska më e efektshme dhe e përshtatshme ishte N95. Maska kirurgjikale me tre shtresa dhe maska pambuku, të cilat shumë njerëz i kanë bërë në shtëpi, gjithashtu performuan mirë.

Pëlhurat e qafës, të quajtura gjithashtu maskagajtan dhe shpesh të përdorura nga vrapuesit, ishin më pak efektivët. Vendosja e një maske të tillë lejonte transportimin e pikave të frymëmarrjes sepse materiali i kthen pikat e mëdha në grimca më të vogla që transportohen më lehtë me ajër.

Shamitë e palosura dhe maska e bëra vetë me materiale të ndryshme gjithashtu nuk ofronin shumë mbrojtje.

“Ne duam të theksojmë se i inkurajojmë njerëzit të veshin maska, gjithashtu duam që ata të mbajnë maska që të jenë funksionale”, është shprehur Martin Fischer./Motilokal.com