Qyteti i Librazhdit pasditen e djeshme për gati dy orë ishte goditur nga një stuhi e fuqishme me reshje shiu dhe breshër, duke shkaktuar përmbytje në qytet dhe duke dëmtuar të mbjellat bujqësore.

Punimet që po bëhen në rrjetin e ujësjellës-kanalizime e rëndoi edhe më shumë situatën si pasoje materialeve të ngurta që u grumbulluan ne disa vende për shkak të rrëkeve te krijuara.

Bashkia e Librazhdit njoftoi se nën intensitetin e reshjeve të gjithë punonjësit e Bashkisë ishin në terren, ndërmarrja e punëve publike dhe punonjësit e zjarrfikës punuan pa ndërprerje dhe stabilizuan situatën në një kohë rekord.

“Brenda pak orësh situata u normalizua dhe qyteti sot është sërish i bukur ashtu siç e duan pjesa dërrmuese e banorëve që na kanë mbështetur e inkurajuar për këtë transformim”, thuhet në njoftim./Motilokal.com