Si një holandez i vërtetë dhe një i pasionuar pas luleve tona. Dhe si një fotograf i peizazhit, më pëlqen pranvera jonë e bukur, në të cilën gjithmonë gjej kohë të fotografoj lulet dhe të tregoj bukurinë e luleve Holandeze për të gjithë botën. Shumica prej jush ndoshta e njihni Keukenhof me famë botërore, kopshti më të bukur të tulipanëve në botë. Çdo vit miliona turistë vizitojnë këtë kopsht. Ky është një numër shumë i madh duke marrë parasysh që kopshti është i hapur vetëm në pranverë! Për çdo vit, një ekip i zellshëm siguron që kopshti të duket po aq i mirë sa kurrë, përfshirë edhe këtë vit!

Ky vit është 'special’. Keukenhof është mbyllur, për herë të parë në 71 vjet. Por kjo nuk do të thotë se nuk ka lule. Në të kundërtën; lulet duken të pabesueshme dhe marrin sa më shumë vëmendje dhe kujdes si gjithmonë. Të gjithë kopshtarët pasionantë bëjnë punën e tyre ashtu siç janë mësuar. Sepse edhe pa njerëz, natyra dhe shfaqja e kopshtit vazhdon.

Kam fotografuar tulipanët vazhdimisht, kryesisht në fshatra. I fotografova nga të gjitha këndët që ju mund ta imagjinoni, por ishte një gjë që unë ende dëshiroja të kapja një herë në jetën time: Keukenhof pa asnjë person tjetër. Kjo dukej e pamundur, deri në prill të këtij viti 2020.

Me virusin COVID-19 duke qëndruar të gjithë në shtëpi dhe turistët larg, e dija që kjo ishte shansi im i vetëm për ta bërë këtë. Kam kontaktuar me Keukenhof duke ua shpjeguar se çfarë kisha në mendje dhe ata ishin aq të sjellshëm sa të më lejonin të fotografoja kopshtin për një ditë.

Fotografimi në mes të ditës me diellin e fortë ishte një sfidë. Por harrojmë fotografinë për një moment: të shëtisësh atje vetëm, vetëm me tingujt e zogjve dhe erën e jashtëzakonshme të të gjitha këtyre luleve, është një përvojë në vetvete. Ndonjëherë vetëm ulem pranë luleve dhe ujit, duke shijuar natyrën për 30 minuta. Ishte thjesht një përvojë magjike. Duke mos pasur njerëz në park, më lejoi të fotografoj shtigje dhe kënde në një mënyrë të caktuar që normalisht nuk i ke parë për shkak të turmave.

Kjo seri fotografish është një iniciativë nga vetë në bashkëpunim me Keukenhof. Ne synojmë të tregojmë bukurinë e parkut përmes këtyre imazheve./Motilokal.com