Me turistët në shtëpi, anijet e ankoruara dhe fabrikat e heshtura nën bllokimin prej koronavirusit, flamingot rozë të Shqipërisë dhe pelikanët kaçurrelë po lulëzojnë në qetësinë e re të lagunave që përshkojnë vijën bregdetare perëndimore të vendit.

Tani, qetësia mbretëron në këtë kënetë me ujë të kripur që ndodhet në veri të Gjirit të Vlorës, e ndarë nga deti Adriatik ku ujërat blu shkëlqejnë nga dielli i pranverës.

Numri i tyre është rritur me gati një të tretën deri në rreth 3,000 që nga janari, sipas autoriteteve të parkut.

“Rolet janë shkëmbyer: njeriu është i kufizuar, ndërsa fauna është  rikuperuar dhe po përfiton nga liritë që u jep natyrë atyre.”- thotë Nexhip Hysolokaj, specialist i biodiversitetit, për AFP-në.

Izolimi nga koronavirusi që nga 9 marsi, megjithatë, ka sjellë një rikthim të mirëpritur.

Në Nartë, varkat e peshkimit, motorët e të cilave shqetësonin më parë zogjtë nuk janë më, prandaj jeta e tyre tashmë është bërë  më e lehtë.

Veç flamingove në lagunën e Nartës rriten dhe disa shpendë të tjerë të rrallë si: pelikani kaçurrel.

Ekspertët shpresojnë se izolimi i vendit do të ndihmojë zogjtë përfshirë pelikanët (në foto), të rritin numrin e tyre.

100 kilometra më në veri, zyrtarët në lagunën më të madhe të Shqipërisë në Parkun Kombëtar Divjaka gjithashtu shpresojnë se qetësia do të jetë një ndihmë për një popullsi në rritje të pelikanëve dalmat.

Llojet "afër kërcënimit" njihen si pelikanë kaçurrelë për puplat mbi kokat e tyre.

Rreth 85 çifte kanë fonelizuar në një ishull të vogël në qendër të lagunës, i cili ndahet nga Adriatiku nga një rrugë me rërë.

Popullsia ka ardhur duke u rritur viteve të fundit dhe tani ka arritur numrin e saj më të lartë në tre dekadat e fundit, sipas Ardian Koçi, drejtori i parkut.

Por zona gjithashtu kërcënohet nga një industri turistike në rritje, me rreth 50,000 vizitorë në muaj.

Sot heshtja mbretëron me restorante dhe hotele, përfshirë dhjetëra ndërtesa të ndërtuara pa leje, të mbyllura./Motilokal.com