Izolimi dhe ndalimi i turistëve nga koronavirusi në plazhet e Tajlandës, ka bërë që numri i breshkave të ujit që kanë çelur nga vezët në bregdet ka qenë më i madh se çdo herë tjetër.

Kongkiat Kitivatanavong, Drejtor i Qendrës Biologjike Detare të Fuketit, për Reuters tha se kanë gjetur 11 fole me vezë, që nga muaji nëntor, numri më i lartë në 20 vitet e fundit.

Ai tha se pas monitorimit të vezëve për dy muaj, në mars, stafi i parkut kombëtar të Fanga Nga gjetën 84 breshka që sapo kishin dalë nge vezët.

Breshkat e ujit “me kurriz lëkure”, siç quhet kjo specie e kësaj zone, i shtrojnë vezët në zona të errëta dhe pa lëvizje.

Kjo gjë ndodhte shumë rrallë pasi plazhet frekuentoheshin nga turistët.

Kitivatanavong theksoi se njerëzit i mbledhin vezët edhe për konsum ushqimor, ndaj mungesa e tyre ka bërë që breshkat t’i shtrojnë vezët në mënyrë më të sigurt.

Tajlanda ka raportuar 2765 raste koronavirusi dhe 47 vdekje. Në të gjithë vendin janë të ndaluara fluturimet deri në fund të muajit prill./Motilokal.com