Një zjarr që kërcënoi qendrën bërthamore të braktisur të Çernobilit është nën kontrollë, thanë autoritetet ukrainase.

Shërbimet e urgjencës thanë të martën se ende kishte disa pjesë që po digjeshin në vete në sipërfaqe së pyllit, por nuk kishte asnjë zjarr të hapur.

Pas përhapjes fillestare të zjarreve ekzistonte frika se zjarri mund të kaplonte vendin e katastrofës bërthamore të vitit 1986.

Megjithëse zjarret janë të zakonshme në këtë zonë, Greenpeace tha se kjo përhapje ishte më e keqja në dekada.

Në vitin 1986, ish uzina bërthamore pësoi një shpërthim katastrofik që shkaktoi pasoja radioaktive në të gjithë Evropën.

Çernobili dhe qyteti i afërt i Pripyat janë braktisur që nga ajo kohë, edhe pse këto vende kanë tërhequr një numër të madh turistësh vitet e fundit.

Shërbimi i Planifikimit të Emergjencave të Kopernikut dhe misioni satelitor Copernicus Sentinel-2 ka kapur fotografi të zjarreve dhe tymit, dhe ka hartuar zonën e tokës së djegur.

Zjarret rreth Çernobilit janë një fenomen sezonal, por kanë qenë më të mëdha këtë vit për shkak të dimrit të butë dhe pranverës që ka lënë të thatë pyjet.

Satelitet janë çelës për të mbajtur vëmendjen në rajone të cenueshme si kjo.

Duke përdorur të dhënat satelitore, shërbimi siguron informacione për reagimin e urgjencës për lloje të ndryshme të katastrofave, përfshirë rreziqet meteorologjike dhe gjeofizike, katastrofat e qëllimshme dhe aksidentale, katastrofat humanitare dhe për parandalimin, gatishmërinë, reagimin dhe aktivitetet e rimëkëmbjes./Motilokal.com