Nga të dhënat e deritanishme, koronavirusi i ri mund të transmetohet në të gjitha zonat klimatike përfshirë këtu edhe zonat me klimë të lagësht dhe të nxehtë, bën të ditur Organizata Botërore e Shëndetësisë (OBSH).

OBSH rekomandon se pavarësisht klimës duhet të merren masat mbrojtëse, nëse jetoni apo udhëtoni në zona ku ka prani të COVID-19.

Sipas OBSH-së mënyra më e mirë e mbrojtjes nga virusi COVID-19 është larja e shpeshtë e duarve me ujë e sapun.

Kjo eliminon virusin i cili mund të jetë i pranishëm në duart tuaja dhe në këtë mënyrë ju shmangni infeksionin që mund të ndodhë nga prekja e syve, hundës apo gojës tuaj./Motilokal.com