Cilësia e ajrit po përmirësohet në të gjithë botën në vendet që janë nën bllokim për shkak të koronavirusit. Ndërsa njerëzit qëndrojnë në shtëpi dhe trafiku është ulur me mbi 35 për qind. Edhe New York sapo i është bashkuar listës e qyteteve botërore me një rënie dramatike të ndotësve që gjenden në ajër.

Studiuesit në Universitetin Columbia gjetën një ulje të madhe të niveleve të monoksidit të karbonit.

Kjo është mjaft befasuese për një qytet me më shumë se 23 milionë banorë i cili u rendit në qytetin e 10-të më të ndoturve në vend nga Shoqata Amerikane e Mushkërive në raportin e tyre "Shteti i Ajrit" për vitin 2019. Sipas rezultateve të tyre, 50 për qind e New Yorkers ishin duke u ekspozuar ndaj ajrit jo të shëndetshëm.

Duke filluar nga 13 Marsi, monitorimi i Institutit Tokësor të Universitetit Columbia ka treguar një rënie prej 10 për qind të dioksidit të karbonit dhe emetimeve të metanit, dhe 50 për qind rënie të monoksidit të karbonit.

NDIKIM I NGJASHËM NË EVROPË

Të dhënat e fundit nga sateliti Copernicus Sentinel-5P tregojnë ulje të konsiderueshme në përqendrimet e dioksidit të azotit në disa qytete kryesore në të gjithë Evropën - përfshirë Parisin, Madridin dhe Romën. NO2 gjithashtu ra në Italinë veriore dhe Agjencia Evropiane e Mjedisit (EEA) gjeti një ndryshim të ngjashëm në Barcelona. Po ashtu edhe kryeqyteti i Indisë regjistroi ulje të ndotjes së ajrit.

Sidoqoftë, ekspertët thonë se është shumë herët të flasim për ndryshime afatgjata. Ndërsa Kina kalon kulmin e krizës së saj, imazhet e fundit nga Agjencia Evropiane e Hapësirës (ESA) tregojnë një ringjallje në emetimet NO2. "Ata kanë parë që është ndotur më shumë se sa ishte para ngadalësimit. Kështu që, nuk do të më befasonte nëse shohim një vonesë të emisioneve të CO2", tha zonja Commane.

Ndërsa cilësia e dobët e ajrit vret drejtpërdrejt rreth 7 milion njerëz çdo vit, është e rëndësishme të theksohen ndikimet shëndetësore të këtij ndryshimi të përkohshëm. Studiuesi i Universitetit Stanford Marshall Burke vlerëson se dhjetëra mijëra njerëz kanë përfituar tashmë nga cilësia më e mirë e ajrit në Kinë. Nga ana tjetër, ekspertët paralajmërojnë të marrin lajme me kujdes; kjo nuk është një analogji për mënyrën sesi duam të ulim emetimet nga ndryshimet klimatike. Thjesht mendoni për numrin rekord të amerikanëve, gati 3.3 milion njerëz janë të papunë në SHBA.

Ndërsa ngadalësimi ekonomik ose recesioni e bën të vështirë të ecni përpara në pritje të investimeve për energji të pastër, rritja e frikës së shëndetit dhe frikës financiare mund të hijezojnë problemin e ndryshimit të klimës.

"Shumë para do të investohen për të ngritur ekonominë dhe nëse thjesht i investojmë në të njëjtat industri ndotëse, njerëzit do të vazhdojnë të vdesin", tha Jacqueline Klopp.

Ajo argumenton për më shumë investime në automjete elektrike dhe energji të rinovueshme. "Kur jemi gati për të rindërtuar, duhet të sigurohemi që po investojmë në gjëra që mund të na japin një të ardhme më të mirë."/Motilokal.com