Presidenti i Shteteve të Bashkuara të Amerikës, Donald Trump ka shpallur gjendje emergjente kombëtare, pasi rastet me koronavirus u rritën në mbi 1.200 me 33 të vdekur, 31 prej tyre në Washington.

Duke folur nga ambientet e jashtme të Shtëpisë së Bardhë, në krah të zv/presidentit Mike Pence, Trump tha: “Jemi duke punuar me intensitet. Kemi bërë një përparim të jashtëzakonshëm”.

“Europa është cilësuar si epiqendra e momentit dhe i kemi mbyllur kufijtë me ta disa kohë më parë”, shtoi ai.

Njoftimi vjen vetëm disa ditë pasi Trump njoftoi ndalimin e të gjitha fluturimeve nga Europa që udhëtojnë në Amerikë.

Trump tha se ai ishte duke deklaruar një emergjencë kombëtare që do të hapë 50 miliardë dollarë nga fondet federale.

"Asgjë nuk do të kursejmë, asgjë asgjë", tha ai.

Ai tha se gjysmë milioni teste shtesë do të vihen në dispozicion brenda natës të së dielës dhe 1.4 milion deri në javën tjetër dhe pesë milion brenda një muaji. "Dyshoj se do të na duhen edhe më shumë", tha ai.

"Kjo do të kalojë. Ne do të jemi edhe më të fortë për të. Ne kemi mësuar shumë", tha ai.

Ai njoftoi se po urdhëronte që Departamenti i Energjisë të grumbullonte naftë ndërsa çmimet e naftës ishin të ulëta: "Ne do ta mbushim atë", tha ai.

Në fillim të kësaj jave, ish nënkryetari dhe pararendësi demokrat Joe Biden tha se përgjigjja e administratës Trump ndaj virusit e la Amerikën "me mjerim të papërgatitur".

Ndërkohë, Dow Jones - indeksi që mat performancën e firmave më të mëdha të SHBA-së është në rënie që nga shpërthimi i koronavirusit, duke rënë në 10% të mërkurën, më i dobët që nga viti 1987.

E ndërsa Trump e presin zgjedhjet në nëntor, disa krahasime janë bërë me zgjedhjet e vitit 2008 kur kriza financiare i dha një shuplakë të madhe administratës së George W. Bush, partia e së cilit u mund një vit më pas nga Barack Obama./Motilokal.com