Italia në luftë me koronavirusin, dhjetra komuna janë izoluar dhe qarkullimi i trenave është ndërprerë.

Ndikimi i koronavirusit po dëmton gjithashtu zonat e Italisë që nuk janë prek nga virusi.

Federata e turizmit në Itali, Assoturismo, tha se deri në 90 për qind të prenotimeve të hoteleve dhe agjencive të udhëtimit për Mars janë anuluar në Romë dhe deri në 80 për qind në Sicili.

Udhëtimet shkollore dhe konferencat në të gjithë vendin janë anuluar.

Lombardia, e cila përfshin Milanin, përbën mbi gjysmën e rasteve ndërsa Veneto dhe Emilia-Romagna kanë përkatësisht 15 për qind dhe 17 për qind.

Të tre rajonet kanë mbyllur shkollat për të paktën një javë.

Në Veneto dhe Lombardi, mbylljet gjithashtu kanë goditur muzetë, teatrot, kinematë dhe shumicën e zyrave publike, duke zbrazur qytete si Milano, ku shumë kompani kanë lejuar punonjësit e zyrave të punojnë në distancë./Motilokal.com