Instituti Kombëtar i Shëndetësisë Publike (IKSHPK) më 22 shkurt 2020, në ora 20:10 ka marrë informatë nga Klinika Infektive e QKUK-së për dy pacient të dyshimtë me Koronavirus COCID-19.

Sipas IKSHPK-së pacientët kanë pasur ethe, kollë të thatë të rrallë, lodhje dhe molisje dhe pengesa në frymëmarrje.

“Dy pacientët u vizituan nga ekipi i infektologëve në Klinikën Infektive në QKUK të cilëve iu morën mostrat për testim laboratorik në Coronavirus SARS-CoV-2 dhe Influenza A dhe B”, thuhet në njoftim.

IKSHPK theksoi se mostrat për testim janë sjellë në laborator të Instituti Kombëtar dhe kanë hy menjëherë në punë.

“Ekipi i Laboratorit të Mikrobiologjisë Molekulare në IKSHPK ka bërë testimin në koronavirus COVID-19 dhe në influencë A dhe B me metodën rRT-PCR te dy pacientë. Testi ka përfunduar në ora 00.30 pas mesnate dhe ka rezultuar negativ për të tri analizat, domethënë të dy pacientët nuk janë të infektuar me virusin SARS-CoV-2 dhe as me influenza A dhe B”, ka deklaruar IKSHPK.

Më tej në njoftim thuhet se ekipet e Institutit Kombëtar po përcjellin me vëmendje situatën epidemiologjike me Koronavirus në botë./Motilokal.com