Botë

Shtatori i vitit 2023 ishte jashtëzakonisht i ngrohtë për disa rajone në mbarë botën, duke thyer qindra rekorde të temperaturës. Ai u regjistrua si shtatori më i ngrohtë që nga viti 1979 në nivel global dhe në Evropë. Deri vonë, shtatori më i ngrohtë në botë ishte ai i 2020 me një devijim prej 0.43 °C mbi mesataren e periudhës 1991-2020. Shtatori 2023 theu këtë rekord, duke regjistruar një devijim prej 0.93 °C mbi nivelet e periudhës 1991-2020, pothuajse dyfishi i rekordit të mëparshëm.

Është muaji i katërt radhazi (pas qershorit, korrikut dhe gushtit 2023) i regjistruar si më i ngrohti në botë për vitin 2023. Kështu, viti 2023 duket se do të jetë si viti më i nxehtë i regjistruar për planetin.

Evropë

Temperatura mesatare e shtatorit 2023 në Evropë u luhat me 2.51 °C mbi nivelet 1991-2020. Shtatori i vitit 2023 u regjistrua si shtatori i parë më i ngrohtë që nga viti 1979 për Evropën. Shtatori i mëparshëm më i ngrohtë ishte ai i vitit 2020 me një devijim të temperaturës prej 1.42 °C mbi nivelet e periudhës 1991-2020 .

Devijimet pozitive në 80% të kontinentit evropian. Devijimet më të mëdha pozitive të temperaturës janë regjistruar në rajonet e Evropës Perëndimore, Qendrore dhe Veriore të rendit 3-4 °C mbi nivelet e periudhës 1991-2020. Afër mesatares dhe pak më poshtë saj në zonat e Gadishullit Iberik dhe Greqisë.

Ballkani

Temperatura në Ballkan në shtator 2023 u luhat mbi mesataren e periudhës 1991-2020. Devijimet më të larta pozitive janë shënuar në veri, të rendit 3-4 °C mbi nivelet e periudhës 1991-2020.

/Motilokal.com