Një valë të nxehti me temperatura shumë të larta në nivele rekord është regjistruar në Evropën Perëndimore në ditën e parë të tetorit 2023.

Temperatura në zonat e Spanjës, Francës ishte deri në 10-12°C mbi nivelet normale për sezonin. Në vendet e mësipërme janë thyer qindra rekorde të temperaturës.

Më konkretisht, në Spanjë, në zonën Montoro të Kordobës, u regjistrua një temperaturë maksimale prej 38.2°C, duke shënuar vlerën më të lartë të temperaturës në Spanjë për muajin tetor që nga fillimi i rekordeve në vend.

Në Francë temperaturat kaluan 35-36°C, ndërsa mbi 330 stacione meteorologjike kanë thyer ose barazuar rekordin e tyre të temperaturës për muajin tetor.

/Motilokal.com