Një uragan me shpejtësi 233 km/h është drejtuar për në SHBA-në jugperëndimore.

Uragani i kategorisë 4, i quajtur Hilary pritet të godasë fillimisht në Baja Kalifornia, një shtet meksikan, mëngjesin e së shtunës.

Sinoptikanët thonë se më pas era do të ulë shpejtësinë dhe do të kthehet në një stuhi tropikale që do të drejtohet për në veriperëndim drejt Kalifornisë së jugut, Nevadës, Arizonës dhe Utah.

Kjo do të jetë stuhia e parë tropikale që godet Kaliforninë në më shumë se 80 vjet.

Shërbimi Kombëtar i Motit tha se mundësia për shira të dendur nga 7-15 cm në disa zona dhe 25 cm në të tjera mund të sjellë pasoja “të ndjeshme dhe të rralla” për disa rajone të Kalifornisë jugore dhe Nevadës jugore.

Në San Diego  është paralajmëruar “mundësi e lartë” përmbytjeje. Rreth 26 milionë njerëz në SHBA-në jugperëndimore janë nën monitorim.

/Motilokal.com