Edhe pse të gjithë e dinë se ushtrimet fizike kanë përfitime të rëndësishme shëndetësore, ka mendime të ndryshme se sa shumë ushtrime duhet të ushtroheni. Sipas OBSH-së, kohëzgjatja e ushtrimit të kërkuar varet nga mosha.

Në veçanti, të rriturit e shëndetshëm deri në moshën 65 vjeç duhet të bëjnë të paktën gjysmë ore stërvitje të moderuar për katër ose pesë ditë, duke arritur kështu deri në 2 orë e gjysmë në javë. Ekziston edhe një alternativë, me 1.25 orë në javë stërvitje intensive.

Në të kundërt, fëmijët kanë nevojë për të paktën një orë stërvitje të butë në ditë, sipas OBSH-së. Duke arritur këto nivele, mund të parandalohet një në gjashtë vdekje të parakohshme, si dhe fillimi i sëmundjeve të zemrës.

Megjithatë, sipas OBSH-së, për të parë përfitimet reale, rekomandohen pesë orë stërvitje çdo javë. Sipas Shoqatës Amerikane të Zemrës, nëse një person ushtron katërfishin e kufirit minimal të kërkuar, atëherë rreziku i vdekshmërisë së parakohshme zvogëlohet me një të tretën.

Megjithatë, edhe pak ushtrime ka përfitime të rëndësishme, pasi sipas revistës shkencore BMJ, 10% e vdekjeve të parakohshme mund të shmangeshin nëse të rriturit bënin vetëm gjysmë ore ushtrime të rekomanduara nga OBSH. Kjo është e barabartë me vetëm dhjetë minuta në ditë për të rriturit.

Në këtë kontekst, Organizata Botërore e Shëndetësisë rekomandon gjithashtu që dy herë në javë duhet të përfshini një lloj forcimi të muskujve në stërvitjen tuaj. Kjo nuk do të thotë domosdoshmërisht që duhet të shkoni në palestër, pasi do të mjaftojnë joga, pilates apo edhe bartja e një çantë të rëndë nga supermarketi.

Ushtrimi ka shumë përfitime të tjera shëndetësore, nga forcimi i muskujve dhe skeletit deri te përmirësimi i kujtesës, humorit dhe madje edhe mikrobiomës. Megjithatë, një e katërta e njerëzve në mbarë botën nuk bëjnë mjaftueshëm ushtrime fizike, duke përfshirë 81% të të rriturve.

Sipas Departamentit Amerikan të Shëndetësisë, për të rritur ushtrimet javore, njeriu mund të zgjedhë ecjen ose biçikletën sa herë që është e mundur në vend të vozitjes. Gjithashtu, është mirë të hipni shkallët në vend të ashensorit ose të zbrisni një ndalesë më herët në autobus ose metro. Më në fund, ai mund të vendosë ecjen pas ngrënies.

/Motilokal.com