Mungesa e reshjeve të dëborës në pjesë të ndryshme të Japonisë në këtë kohë të vitit po detyron qendrat e skijimit të qëndrojnë të mbyllura. Planet e organizatorëve të “Tokyo 2020” për të freskuar me dëborë spektatorët e Lojërave Olimpike janë cenuar nga mungesa e reshjeve në këtë dimër “të nxehtë”.

Organizatorët e Lojërave Olimpike kishin planifikuar të sjellin dëborë artificiale dhe natyrale që bie Minami-uonuma, një qytet në prefekturën e Niigata (veriperëndim).

Por planet mund të bien përveç nëse Minami-uonuma bie sasi e madhe e dëborës.

Mirëpo temperaturat jashtëzakonisht të larta të këtij dimri kanë bërë që reshjet të jenë në sasi të vogla.

"E tëra çfarë mund të bëjmë është të lutemi drejt qiellit", i tha një zyrtari lokal gazetës. Ndërsa zyrtarët thonë se ata nuk kanë hequr dorë nga shpresa, qyteti tashmë ka përjetuar më shumë se 10 ditë pa dëborë këtë muaj. Reshjet më të mëdha të dëborës që ka pasur në një ditë të vetme nuk kanë arritur në 10 centimetra.

Qyteti nuk ka një plan specifik të emergjencave, megjithëse autoritetet do të mendonin të merrnin dëborë nga zona të tjera që kanë regjistruar akumulim më të madh. Transferimi në këtë rast do të ishte më i shtrenjtë sesa pritej. Agjencia Meteorologjike e Japonisë (JMA) gjithashtu parashikon mungesë të reshjeve të dëborës në rajon edhe për ditët që do të vijnë.

Ekspertët thanë se ngrohja globale po përkeqëson situatën duke shndërruar në shi sasi më të mëdha të reshjeve të dëborës se më parë. "Nëse ky lloj dimri do të kishte ndodhur 100 vjet më parë (kur temperaturat mesatare ishin më të ulëta), do të kishte shumë më shumë dëborë sesa tani", i tha gazetës Hiroaki Kawase, studiues meteorologjisë./Motilokal.com