Tirana është përfshirë nga një mot me stuhi dhe erë të fortë. Si pasojë, në qendër të kryeqytetit është rrëzuar edhe pema e vendosur për festën e Vitit të Ri. Për fat të mirë nuk raportohet për persona të lënduar.

Era po ashtu ka shkatërruar pemë, shtylla të energjisë elektrike edhe çadrat e disa lokaleve të improvizuara në qendër të kryeqytetit me rastin e festave të fundvitit.

Kryetari i Tiranës Erion Veliaj në profilin e tij në Facebook u ka kërkuar qytetarëve që t’i evitojnë lëvizjet dhe qëndrimet në vende ku ka objekte apo pemë që rrezikojnë rënien.

Ai ka kërkuar që për çdo problem të raportoni te numri i emergjencës 112.

“Punonjësit tanë ndodhen në terren në ndihmë të çdo qytetari”, ka shkruar kreu i Tiranës./Motilokal.com